Мәмәшир авылы сайты

Компьютер вируслары...

Рамил — Sat, 02 Feb 2013 13:04:23 GMT

Компьютер вирусы – ул үзлегеннән үрчергә сәләтле булган һәм зыянлы гамәлләр башкаручы зур булмаган программа. Бүгенге көндә 50 меңнән артык вирус барлыгы билгеле. Иң беренче компьютер вирусы 1986 елды барлыкка килгщн дип саныйлар. Иж беренче компьютер вирусларыныж берсе булып "Brain" санала. Ул Пакистан программисты Алви төзи һәм вирус АКШтагы 18 меңнән артык компьютерны зарарлый. Элекке чорларда компьютер вируслары, гадәттә, өйрәнү, тикшереп карау максатыннан гына төзелгән булсалар, бүгенге көндә исә алар һәр компьютер кулланучысының төп проблемасы.

Компьютер вирусы үзен төрле яклап сиздерергә мөмкин: компьютерда эшләргә комачаулаудан башлап тулысынча мәгълүмат югалуга кадәр үк.

Компьютер зарарлануның иң беренче билгеләре:

- компьютерның тоткарлануы, озак эшләве яки эленеп калу;

- операцион система йөкләнгәндә токарлыклар барлыкка килү;

- файлларның аңлаешсыз үзгәрүе, гомумән, "акылга сыймаган” үзгәрешләр күзәтелү һ. б.

Сак булыгыз!!! Компьютерларыгызга сәламәтлек телим!!!

Кытайда чиста һаваны банкаларга тутырып саталар

Рамил — Fri, 01 Feb 2013 18:31:18 GMT

Кытайның төньяк өлкәләре агулы газлар белән зарарланганнан соң Пекинда чиста һаваны банкаларга тутырып сата башладылар. Әлеге идея Кытай бизнесмены Чэнь Гуанбяоныкы. Бер шешә чиста һава бәясе якынча 80 цент.

Интернетта акча эшләү мөмкинме?

Рамил — Tue, 04 Dec 2012 16:06:18 GMT

Бүгенге көндә интернет мәгълүматлар базасы һәм аралашу чарасы булудан тыш күпләр өчен акча эшләү җирлеге булып та тора. Интернет-проектларга бер күрүдә ышану кирәкми. Бигрәк тә, акча кертүне таләп иткән очракта. Вак-төяк акча эшләргә мөмкин булган (һәм акча кертүне таләп итмәгән) проектлар исемлеген сезнең игътибарга тәкъдим итәм.

Әлеге проектларның күбесендә шулай ук рефераллар системасы эшли. Боларда эшли башлау өчен гади теркәлү җитә, акча салу кирәкми. Өч төрен карыйк:

1) түләүле почталар һәм заданиеләр – монда төрле интернет-сайтлар карарга һәм заданиеләр башкарырга кирәк булачак;

2) түләүле сорау алулар – сезнең шәхси биткә сорау алулар килә (опросники), әлеге сорауларга җавап биргән очракта сезгә акча яки баллар биреләчәк;

3) сайт, блоглар төзүчелә яки үз сайтлары, блоглары булган кешеләр өчен.

Әлеге проектларның күбесеннән акча электрон кошелекка күчерелә (иң популяр электрон кошелек: WebMoney).

Түләүле почталар һәм заданиеләр:

1) wmzona.com (бик популяр)

2) sarafanka.org (ВКонтакте челтәрен бик яратучылар өчен)

Түләүле сорау алулар:

1) globaltestmarket.com

2) www.anketka.ru/

3) internetopros.ru

4) www.platnijopros.ru

5) www.askgfk.ru

6) www.vazhnoemnenie.ru

7) www.o.voprosnik.ru

Сайтлар ясау өлкәсендә:

tak.ru (әлеге проект үз сайтлары, блоглары булган кешеләр өчен акча эшләү мөмкинлеген бирә)

Чебеннәрне атып үтерергә дә мөмкин

Рамил — Sat, 27 Oct 2012 08:25:23 GMT

Америкада чебеннәрне атып үтерә торган мылтык уйлап тапканнар. Гадәти тоз белән корыла торган коралның ату ераклыгы 1,5 метр икән. Төрле инфекцияләр таратучы бөҗәкләргә каршы көрәшүнең бу ысулы бик нәтиҗәле булып чыккан. Шул ук вакытта ул чебен белән мылтык арасындагы борынгыдан килүче бәйләнешне дә тагын бер кат раслаган.

1521 елда Испаниядә массакүләм таралыш алган беренче утлы корал мушкет дип йөртелгән. Әмма аннан чебеннәргә атмаганнар бит, диярсез инде. Эш шунда, бу коралның французча аталышы булган mousquet латинча дротик яки озын укны аңлата торган muscheta сүзеннән килеп чыккан. Ә ул исә үз чиратында латинча musca («муха») сүзеннән барлыкка килгән. Шулай булгач, мылтыклар иң баштан ук бәйләнчек чебеннәр белән бәйләнештә булган дигән сүз. Ким дигәндә, лингвистик яктан гына булса да... Әмма күптән түгел чебен белән мылтык арасындагы бәйләнешне Америка уйлап табучысы Лоренцо яңа биеклеккә менгерде. Озынлыгы 40 сантиметр тирәсе булган пластик мылтык кулланылышта бик гади. Тозны бер тутырып куйгач, ул 50 тапкыр атарга җитә икән. Бер атуга бер чеметем тоз китә.

Хәзер чебеннәргә каршы шапалак яки бөкләнгән газета белән көрәшүнең кирәге дә калмаска мөмкин. Стенага кунган чебенне шапалак белән шапылдатканда обойларга сыланып калган канлы эзне дә юып йөрергә туры килмәс. Тоз белән атканда чебен стенага килеп сыланмый, ә билгеле бер ераклыкка очып китеп, егылып төшә һәм үлә. Әле чебеннең инде сугып үтерәм дигәндә, ачуны китереп, очып китүен уйласаң да, чебен мылтыгы алыштыргысыз булырга охшап тора. Мылтыкны төзәгәндә ерактагы чебен аны күрми дә кала һәм урынында тыныч кына утыра бирә.

Лоренцо мылтыкларның беренче партиясен инде Интернет аша уңышлы гына сатып та бетергән. Хәзер Кытай фабрикаларының берсе белән килешү төзегән уйлап табучы аларны күпләп җитештерә башлаячак. Кытай товарларының әллә ни кыйммәт булмаганын исәпкә алганда, чебен шапалакларын һәр өйдә чебен мылтыклары алыштырасына өмет зур.

Чыганак: http://www.shahrikazan.com

Помидор-Буратино

Рамил — Tue, 18 Sep 2012 17:32:14 GMT

Менә шундый борынлы помидор ...

Газетадан видео карарга мөмкин

Рамил — Wed, 16 Nov 2011 18:13:01 GMT

Тайваньның United Daily News газета редакциясе күптән түгел генә гадәти булмаган газета санын бастырып чыгарды. Әлеге газета саны Aurasma технологиясен, икенче төрле әйткәндә - визуаль браузер кулланып ясалган.

Бу технология теләсә нинди объектка визуаль мәгълүмат беркетү мөмкинлеген бирә, әмма аны карау өчен яныгызда интернетка тоташтырылган Android яисә iOS операцион системалары куелган мобиль телефон, смартфон яисә планшет компьютер булу сорала. Шулай ук газетаның рәсми сайтында махсус программа урнаштырырга да кирәк. Ә инде аннары мобиль телефонны газетаның әлеге блогына якын китерергә һәм визуаль мультимедиа яңалыкларны карарга була.
Чыганак: http://belem.ru

Тагын мәзәкләр

Рамил — Thu, 10 Nov 2011 17:03:01 GMT

– Иптәшләр! Вакыт аз булу сәбәпле мин уйламыйча гына сөйлим...
---------------------------------
– Синең исемең ничек?

– Вәлинеке кебек.

– Кайсы Вәлине әйтәсең?

– Теләсә-кайсы Вәлине.
---------------------------------
– Әйтегезче, ә кайда монда Арча поезды?
– Ул китте.
– Пәт-тәч! Ә кая?
---------------------------------
– Әби, ә сугыш вакытында ипи юк идемени?
– Юк иде шул, балакаем.
– Нәрсә, майны колбасага ягып ашарга туры килдемени?
---------------------------------
– Минем хатынны бөтен кеше "аяклы энциклопедия” дип атый.
– Нәрсә, бик акыллымыни?
– Юк, бик калын!
---------------------------------
Балыктан кайткан ире, пышылдап кына:
– Песи өйдәме?
Хатыны:
– Кер-кер, курыкма, мин аңа килки бирдем.
---------------------------------
Наркоман невропатолог янында. Врач сорау бирә:
– Хәзер безнең нинди ай?
Наркоман:
– Ма-а-ай.
– Юк, дустым, хәзер сентябрь. Шулай булгач, киләсе ай нинди ай инде?
– Ма-а-ай.
– Юк! Киләсе ай октябрь! Ярар, октябрьдән соң кайсы ай килә?
– Ма-а-ай...
Врач сикереп тора һәм кычкыра башлый:
– Юк! Октябрьдән соң ноябрь! Ноябрьдән соң декабрь! Аннан гыйнвар! Аннан февраль!
Наркоман, уйга батып:
– Нәрсә, май бөтенләй булмыймыни?
---------------------------------
Өстәл янында ире хатынын мактый:
– Салат бик тәмле! Үзең сатып алдыңмы?
---------------------------------
– Нишләп ашагач йокы баса икән?
– Чөнки корсак кабара, тире тартыла һәм күзләр йомыла.
---------------------------------
– Үлеш! Син ничек моңа өйләндең?! Ул бит бер якка кыек, аксак, җитмәсә сакау.
– Курыкмыйча кычкырып сөйлә – ул чукрак...
---------------------------------
Бер малай сөйли:
– Бабай тарта шалканны – тартып чыгара алмый. Шуннан ул әбине чакыра. Тарталар икәүләп, тарталар – тартып чыгара алмыйлар. Шуннан бабай бу әбине куып җибәрә дә, тазарак әбине чакырып китерә.
---------------------------------
– Моннан сарык көтүе узып китмәдеме?
– Нәрсә, иптәшләреңнән аерылып калдыңмыни?
---------------------------------
– Гаишникка ришвәт биргәннән соң, аңа тагын бер ришвәт төртергә кирәк.
– Анысы ни өчен тагын?
– Синең ришвәт бирүең турында эш кузгатмасын өчен.
---------------------------------
Доктор янында:
– Эчәсезме?
– Салып бирсәгез, баш тартып булмас.
---------------------------------
Ике наркоман утыра. Берсе гитара чирткәли һәм җырлый:
– Теллин-пеллин! Теллин-пеллин!
Бер сәгать үтә. Теге һаман:
– Теллин-пеллин!
Ике сәгать үтә:
– Теллин-пеллин!
Икенче наркоман:
– Дустым, синең бу җырың җанга сары май булып ята. Миңа сүзләрен язып бирә алмассыңмы?

2015 нче елда үзләре бәйләнә торган фантастик кроссовкалар дөнья күрәчәк!

Рамил — Wed, 09 Nov 2011 13:17:14 GMT

«Назад в Будущее» фильмын караган булсагыз андагы үзе бәйләнә торган фантастик кроссовкаларны бик яхшы хәтерлисездер.
    2008 елда Nike компаниясе әлеге фантастик идеяне тормышка ашырачагы турында хәбәр иткән иде инде. Күптән түгел Nike әлеге төр кроссовкаларны (Nike Mag) рәсми рәвештә тәкъдир итте.
    Кроссовкаларның ян-ягында зәнгәр төстәге яктылык диодлары, үкчә янында төрле төсләрдәге индикатор утлары куелган, алгы якта "Nike” логотибы янып тора. Әлеге утлар 5 сәгать дәвамында бернинди туендырусыз эшли. Шуны да әйтеп үтәргә кирәк, диодлар матурлык өчен генә куелган һәм әлегә бернинди функцияне дә үтәмиләр.
    Тышкы кыяфәте белән кинодагы аяк киемнәрен хәтерләтсәләр дә, аларда автоматик бәйләнү функциясе әлегә юк. Бу функция бары тик 2015 елда гына эшләнәчәк, дип хәбәр ителә.
    Агымдагы елның 8 нче сентябреннән 18 нче сентябренә кадәр eBay электрон хәйрия аукционына 1500 пар аяк киеме сатуга куелган. Сатып алу бәяләре 2,300$ - 9,959$ аралыгында.
    Аукционнан кергән табыш Паркинсон авыруын дәвалауны финанслаучы Майкл Джей Фокс фондына күчерелгән.
    Аяк киемен бәйләү сезнең өчен җафага әйләнә башладымы? Озак калмады, көтегез! Nike фирмасы сезнең әлеге ихтыяҗыгызны кәнәгатьләндерәчәк.
    Чыганак: http://belem.ru

Бармакка киелә торган тычкан

Рамил — Wed, 09 Nov 2011 13:10:25 GMT

Компьютер тычканы үзенең яшәве дәверендә әллә ни үзгәреш күрмәде дип әйтергә була. Оптик тычканнарга күчү, сенсорлы панельләр барлыкка килүне әле революция дип атап булмый. Ә менә тычканның гомумән башка төрен Mycestro проекты тәкъдим итә.
    Американың Innovative Developments компаниясе инженерлары тарафыннан ясалган әлеге альтернатив җайланма балдак рәвешендә эшләнгән. Имән бармакка киелә торган әлеге "балдак” 3 төймәдән тора һәм пространстводагы урынны билгели торган датчикны үз эченә ала. Шул рәвешле санак белән идарә итү "балдак”ның төймәләренә баскалауга һәм куллар белән төрле хәрәкәтләр ясауга кайтып кала.
    Mycestro җайланмасы эшне бик гадиләштерәчәк диләр авторлар. Хәтта анда җәһәт чакырту функциясе дә урнаштырылган. Әйтик, тиз генә электрон почта әрҗәсен ачырга кирәк булсын. Моның өчен "балдак”ны кигән кулыгыз белән "М” хәрефен сурәтләү җитә.
    Проектның авторлары балдак-тычканны өчүлчәмле компьютер графикасы белән эшләүдә кулланып күрсәткәннәр.
    Чыганак: http://belem.ru

Коткаручы маймыл

Рамил — Tue, 25 Oct 2011 11:45:43 GMT

Нанкин (Кытай) шәһәрендәге көчле шартлау вакытында бер маймыл көчекне батырларча үз кулларында күтәреп чыккан.