30 ноябрь көнне авылыбызда "И әнкәем – сыңар канат” дип исемләнгән музыкаль кичә булып узды. Бәйрәм яшьләй тол калып
та тормыш авырлыкларына бирешмичә, намусларына тап төшермичә яшәүче әниләргә
багышланган иде. Алар тәрбияләп үстергән балалар инде үсеп буй җиткәннәр, үзләре
балалар тәрбиялиләр; бүген һәммәсе әниләрен тәбрикләргә ерак җирләрне якын итеп
кайтканнар. Шулар арасында якташ язучыбыз Рифә апа Рахман да бар иде. Ул әниләргә
үзенең яңа иҗат ителгән китапларын бүләк итте.
Кичә әниләрнең
балалары, якыннарының котлавы, җырлар һәм шигыръләр белән үрелеп барды.
Авылыбыз шагыйрәләре Миңсылу апа белән Рәйсә апалар бәйрәмгә
багышлап язылган шигырьләрен укыдылар. Моннан кала, Миңсылу апа һәрбер
чакырылган әнигә диярлек аерым шигырь иҗат иткән иде.
Бәйрәм
төгәлләнгәч мәдәният йортында кичке уенлык оештырылды: авыл халкы рәхәтләнеп күңел
ачты.
Бәйрәм
кичәсе тулысынча видеога төшерелде. Видео әзер булуга хәбәр итәчәкбез.
|