1 июльдән Рәсәй халкы яңа төр паспортлы була башлады.

   ППФ "Гознак” баш технологының урынбасары Дмитрий Болотов әйтүенчә, әлеге яңа төр паспорт махсус кәгазьдән эшләнә һәм "йөзмә” билгеләр, саклагыч җепселләр белән чуарланган. Бу паспотрны күчереп ясауга каршы ныклы чара булачак ди.

    Хәзер паспортка кулдан язылмаячак, бары тик машина язуы гына кабул ителә.

    Паспорттагы яңарышлар күп кенә эшләрне гадиләштерәчәк һәм документлар тутыру өчен озак вакыт таләп итмәячәк. Чөнки паспортны күп кенә җайланмалар таный һәм кирәкле информацияне үзе укып ала. Әлеге уку сканерлары инде эшли башлады. Бу шулай ук исем-фамилия буталышларыннан качарга да булышачак.

    Бланклар һәм яңа документ төзү өчен госпошлина күләме шул ук калачак.

    Исегезгә төшерәбез, 2012 елның 1 нче гыйнварыннан рәсәйлеләргә төп документ ролен үтәүче универсаль электрон карта биреләчәк. Иң беренче чиратта, карта гариза язучыларга өләшенәчәк. Ике елдан соң гына калган барлык гражданнар да карталы булачак. Әлеге универсаль карточка бик күп уңайлыкар тәкъдим итә.