"2000 нче елның 1 нче сентябре. Мәмәшир урта мәктәбенең мәһабәт яңа бинасы каршына тезелеп баскан 170 укучы, 24
укытучы, килгән кунаклар һәм ата-аналар өчен онытылмаслык бәйрәм булып истә
калыр. Шәхсән үземне иң дулкынландырганы 1 нче сыйныфка килүче 12 баланың
һәркайсының исем-фамилияләрен әйтеп, колхоз җитәкчесенең сабыйларга истәлек
бүләкләре тапшыруы, аларны сафта ялыктырып тотмау өчен укучы егетләрнең
эскәмияләр алып чыгып балаларны утыртулары булды... ” дип яза Наумир Абдулла
улы Самигуллин үзенең 2004 елда нәшер ителгән "Ил язмышы – ир язмышы” исемле
китабында. Әлеге өзектә
телгә алынган 1 нче сыйныф укучылары өчен быел соңгы кыңгырау чылтырады, 7 егет
һәм 3 кыз олы тормыш бусагасыннан беренче адымнарын ясадылар. 26 июнь – "Чыгарылыш
бәйрәме” көнне 1 нче сыйныфтан нәниләрне үз канаты астына алган Ваһапова Лилия
Минехан кызы, 5-11 сыйныфларда сыйныфны җитәкләгән Нигъмәтуллина Әлфия
Миннихарис кызы, фән укытучылары, әти-әниләр укучыларга хәер-фатихаларын
бирделәр. Насибуллин Ринат Раян улы һәр укучыга өлгергәнлек аттестаты тапшырды. Хәерле юл
сезгә, укучылар!
°Видео-презентацияне үзеңә йөклә: °Фотоларны безнең фотокүргәзмәдә күрә аласыз!
| 
