Ике помидор юл аркылы чыгалар. Шулчак берсен машина изеп китә. Икенчесе тегеңә кул болгап:

       — Әйдә, кетчуп, киттек!

 ***

Тыюлыкта берәү балык тотып утыра. Шулчак моның янына инспектор килә:

            — Гражданин, сез нишлисез монда? Күрмисезмени, "Балык тоту тыела!” дип язылган.

           — Юк, мин бит балык тотмыйм.

            — Ә нишлисез соң сез?

            — Мин челиемне (суалчанны) генә коендырам.

       ***

Кечкенә бала географиядән өй эшләрен хәзерләп утыра.

            — Әти, Альп кайда ул?

             —  Белмим, әнә анаңнан сора... Ул өйдәге бөтен нәрсәне тегендә-монда күчереп йөртә.

***

Җәмәгать, бу дөньяда беркем бернәрсәне дә урламый икән... Без аны бары тик бер урыннан икенче урынга гына күчереп йөртәбез.

***

Программистның эш өстәлендә су тутырылган һәм буш стакан тора.

Моннан сорыйлар:

            — Ни өчен кирәк сиңа сулы стакан?

            — Ник... Әлбәттә инде, эчәсе килсә...

            — Ә ни өчен ул вакытта буш стакан???

            — Эчәсе килмәсә!!!

        ***

      Җүләрләр йортында математика дәресе бара. Укытучы сорый:

            — Кайсыгыз җавап бирә, ике икең ничә була?

Бер-бер артлы җаваплар әйтәләр:

            — Ике була!!!

            — Юк...

            — Сишәмбе!!!

            — Син нәрсә... Дөрес түгел!

Арткы партадан берәү кычкыра:

            — Белдем-белдем, үзем әйтәм... Дөрес җавап дүрт була!

            — Молодец, ничек итеп исәпләдең?

            — Сишәмбегә икене куштым!...